1 րոպեի ընթերցում
Վենեսուելայում տեղի ունեցած ավերիչ երկրաշարժերի զոհերի թիվը հասել է 5346-ի: «Արմենպրես»-ի փոխանցմամբ՝ այս մասին իր Telegram ալիքում հայտնել է հանրապետության Ազգային ժողովի նախագահ Խորխե Ռոդրիգեսը:
Կառավարության ամենօրյա ամփոփագրի համաձայն, որը հրապարակել է Ռոդրիգեսը, վիրավորվել է 16 740 մարդ, 17 265 մարդ մնացել է անօթևան: 190 շենք ամբողջությամբ ավերվել է, 856-ը՝ զգալիորեն վնասվել: Որոնողական-փրկարարական գործողությունների ընթացքում փրկվել է 6462 մարդ, իսկ 39 567-ը բուժում է անցել բժշկական հաստատություններում: Օգնություն է տրամադրվել 128 324 ընտանիքի, 23 122 մարդ տեղավորվել է 107 ժամանակավոր ճամբարներում, տուժածներին բաժանվել է 10 964,97 տոննա սննդամթերք:
Վենեսուելայում 7,2 և 7,5 մագնիտուդով երկրաշարժերը տեղի են ունեցել հունիսի 24-ի երեկոյան՝ մոտ 40 վայրկյան ընդմիջմամբ։ Դրանց էպիկենտրոնները գտնվել են միմյանցից 10 կիլոմետր հեռավորության վրա՝ Յարակույի նահանգում։ Երկրաշարժերից հետո տեղի է ունեցել 1405 հետցնցում: