1 րոպեի ընթերցում
Երևանի «Արարատ-Արմենիա»-ի ֆուտբոլիստ Ժիրայր Շաղոյանի կարծիքով` Չեմպիոնների լիգայի որակավորման առաջին փուլում երևանյան թիմի մրցակից «Ռիգա»-ն թույլ հակառակորդ չէ:
«Ուսումնասիրել ենք «Ռիգա»-ին, նրանք հրաշալի են գործում գնդակով: Սակայն, ինչպես բոլոր թիմերը, նրանք ունեն ուժեղ ու թույլ կողմեր: Պիտի կարողանանք օգտագործել նրանց թույլ կողմերը»,- «Արմենպրես»-ի փոխանցմամբ՝ առանձնացրեց նա:
Անդրադառնալով թիմի նորեկներին` Շաղոյանը շեշտեց, որ ակումբը համալրած ֆուտբոլիստները բարձր որակներ ունեցող խաղացողներ են ու կարող են ուժեղացնել Հայաստանի չեմպիոնի կազմը:
«Լավ ուսումնամարզական հավաք ենք ունեցել Հունգարիայում, մի քանի ընկերական հանդիպումներ ենք անցկացրել: Փորձել ենք հնարավորինս լավ նախապատրաստվել այս հանդիպմանը»,-ասաց նա:
Չեմպիոնների լիգայի որակավորման առաջին տուրում «Արարատ-Արմենիա»-ն Երևանում հուլիսի 7-ին կընդունի լատվիական «Ռիգա»-ին: Հանդիպումը կմեկնարկի 20:00-ին: