Բուլղարիայի Արկուտինո լողափը կրկին արժանացել է միջազգային Blue Flag էկոլոգիական հավաստագրին. BTA
2 րոպեի ընթերցում
Հոդվածը հրապարակվում է «Արմենպրես»-ի և BTA-ի միջև ստորագրված համաձայնագրի շրջանակում։
Բուլղարիայի Արկուտինո լողափը՝ Սոզոպոլի մոտակայքում, կրկին արժանացել է միջազգային Blue Flag (Կապույտ դրոշ) էկոլոգիական հավաստագրին՝ շարունակելով արդեն շուրջ մեկ տասնամյակ մնալ երկրում Սև ծովի ափի ամենաճանաչված բնապահպանական ուղղություններից մեկը։ «Արմենպրես»-ի փոխանցմամբ, այս մասին BTA գործակալությանը հայտնել է լողափի կառավարիչ Իվան Մունինը։
«Մենք պահպանում ենք լողափը մաքուր, խնամված և հնարավորինս բնական, որովհետև հենց դրա համար են այցելուները գալիս այստեղ»,- ասել է Մունինը։
Ափամերձ հատվածի մեծ մասը զերծ է արևապաշտպան հովանոցներից ու հանգստարաններից՝ ստեղծելով ավելի հանգիստ միջավայր։ Այն ամեն ամառ գրավում է բազմաթիվ բուլղարացի ընտանիքների և մշտական այցելուների։
Լողափն առաջարկում է անվճար ավտոկայանատեղի, փրկարար ծառայություն, բժշկական կետ, ջրային սպորտի հնարավորություններ։
Լողափը ձգվում է մոտ 1.5 կմ։
Blue Flag-ը կամավոր բնապահպանական հավաստագրման ծրագիր է, որը իրականացնում է Շրջակա միջազվայրի կրթական հիմնադրամը (FEE)՝ միջազգային կազմակերպություն, որն ունի անդամներ ավելի քան 80 երկրներում։ Ծրագիրը գործում է շուրջ 40 տարի և ամեն տարի գնահատում ու հավաստագրում է լողափեր, նավահանգիստներ և զբոսաշրջային նավեր։