Սերդար Քըլըչը շնորհավորել է Ռուբեն Ռուբինյանին ՀՀ ԱԺ նախագահի թեկնածու ընտրվելու առթիվ

Հայաստան-Թուրքիա հարաբերությունների կարգավորման գործընթացում Թուրքիայի հատուկ ներկայացուցիչ Սերդար Քըլըչը շնորհավորել է Ռուբեն Ռուբինյանին՝ Հայաստանում իշխող «Քաղաքացիական պայմանագիր կուսակցության կողմից Ազգային ժողովի նախագահի թեկնածու ընտրվելու առնչությամբ։

«Արմենպրես»-ի փոխանցմամբ՝ Քըլըչն այդ մասին գրել է X-ի իր միկրոբլոգում։

«Շնորհավորում եմ Թուրքիա-Հայաստան հարաբերությունների կարգավորման գործընթացում իմ գործընկեր Ռուբեն Ռուբինյանին՝ Հայաստանի խորհրդարանի խոսնակի պաշտոնում ընտրվելու կապակցությամբ։ Վերջին չորս տարիների ընթացքում մենք ստեղծել ենք արդյունավետ աշխատանքային մշակույթ և անկեղծ բարեկամություն։ Մաղթում եմ նրան շարունակական հաջողություններ իր նոր պաշտոնում»,- գրել է Քըլըչը։

Ermenistan Meclis Başkanlığı görevine seçilen Türkiye-Ermenistan Normalleşme Sürecindeki muhatabım,dört yıl boyunca verimli bir çalışma kültürü ve samimi bir dostluk kurduğumuz Ruben Rubinyan’ı tebrik ediyor, yeni görevinde de başarılarının devamını diliyorum. @RubenRubinyan

— Serdar KILIÇ (@serdarkilic9) June 25, 2026

«Քաղաքացիական պայմանագիր» կուսակցության վարչությունը հունիսի 25-ին փակ քվեարկությամբ նոր ձևավորվելիք խորհրդարանի ղեկավարի պաշտոնի թեկնածու է ընտրել ԱԺ փոխնախագահ, Հայաստան-Թուրքիա կարգավորման գործընթացում Հայաստանի ներկայացուցիչ Ռուբեն Ռուբինյանին։