Իրանի կողմից Հորմուզի նեղուցով անցման համար վճարի սահմանումը կարգելափակեր ԱՄՆ-ի հետ գործարքը. Թրամփ
1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ եթե Իրանը որոշեր վճար սահմանել Հորմուզի նեղուցով նավերի անցման համար, ապա դա կփոխեր բանակցությունների ամբողջ ընթացքը և կխանգարեր ԱՄՆ-ի հետ գործարքի կնքմանը։ «Արմենպրես»-ի փոխանցմամբ՝ այս մասին նա ասել է ՆԱՏՕ-ի գլխավոր քարտուղար Մարկ Ռյուտեի հետ Սպիտակ տանը կայացած հանդիպմանը, որի տեսանյութը տարածել է Fox News-ը:
«Դա (խմբ․՝ տուրքերի գանձումը նավերից) ինձ համար անընդունելի կլիներ, որովհետև մենք ունենք շատ նեղուցներ, և եթե դա արվեր նրանց (խմբ.՝ Իրանի) համար, ստիպված կլինեինք անել նաև մյուսների համար», - ասել է նա։
«Դա արմատապես կփոխեր իրավիճակը», - հավելել է Թրամփը:
Հունիսի 18-ի գիշերը ԱՄՆ-ի և Իրանի նախագահները ստորագրել են փոխըմբռնման հուշագիր, որով նախատեսվում է ռազմական գործողությունների անհապաղ և մշտական դադարեցում բոլոր ճակատներում, այդ թվում՝ Լիբանանում, Հորմուզի նեղուցի վերաբացում, բանակցությունների անցկացում 60 օրվա ընթացքում՝ վեջնական համաձայնության կնքման համար։