Գերմանիայի կանցլերը հայտարարել է ՆԱՏՕ-ի եվրոպական ուղղությունն ամրապնդելու իր ցանկության մասին

Գերմանիայի կանցլեր Ֆրիդրիխ Մերցը հայտարարել է ՆԱՏՕ-ի արդիականացման և դաշինքի եվրոպական ուղղվածությունն ամրապնդելու ծրագրերի մասին։

«Մենք ցանկանում ենք թարմացնել դաշինքը, մենք ամրապնդում ենք դրա եվրոպական չափումը», - ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին Մերցն ասել է Բեռլինում E5-ի (Միացյալ Թագավորություն, Գերմանիա, Իտալիա, Լեհաստան և Ֆրանսիա) առաջնորդների միջև բանակցություններից հետո տեղի ունեցած մամուլի ասուլիսում: 

Նրա խոսքով՝ սա այն է, ինչի մասին համաձայնության են եկել ՆԱՏՕ-ի անդամները Հաագայի գագաթնաժողովում։

«Մենք մեր պաշտպանական ծախսերը մեծացնում ենք մինչև 3.5 տոկոս: Գերմանիայի կառավարությունը մտադիր է հասնել այս նպատակին մինչև 2029 թվականը», - շեշտել է կանցլերը։