Եվրահանձնաժողովի նախագահը հայտարարել է, որ ԵՄ-ի և Ղազախստանի միջև վիզային ռեժմի դյուրացման բանակցությունները գրեթե ավարտվել են
1 րոպեի ընթերցում
Եվրոպական հանձնաժողովի նախագահ Ուրսուլա ֆոն դեր Լայենը հայտարարել է, որ Եվրամիության և Ղազախստանի միջև վիզային ռեժիմի դյուրացման շուրջ բանակցությունները գրեթե ավարտվել են։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին Ուրսուլա ֆոն դեր Լայենը հայտարարել է Բրյուսելում Ղազախստանի նախագահ Կասիմ-Ժոմարտ Տոկաևի հետ բանակցությունների ժամանակ։
Նրա խոսքով՝ ակտիվորեն աշխատանք է տարվում ԵՄ-ի և Ղազախստանի միջև վիզային ռեժիմի դյուրացման և վերընդունման համաձայնագրերի վրա, որի շուրջ բանակցությունները գրեթե ավարտվել են։
Եվրահանձնաժողովի նախագահը նշել է, որ ԵՄ-ն և Ղազախստանը պետք է քննարկեն առևտրային հարաբերություններում մնացած խոչընդոտների վերացումը՝ փոխադարձ առևտրին և ներդրումներին նոր խթան հաղորդելու համար։