Իրանի և ԱՄՆ-ի միջև բանակցությունները Շվեյցարիայում հաջողությամբ են ավարտվել․ Պակիստանի վարչապետ

2 րոպեի ընթերցում

Իրանի և ԱՄՆ-ի միջև բանակցությունները Շվեյցարիայում հաջողությամբ ավարտվել են։ «Արմենպրես»-ի փոխանցմամբ այս մասին X-ում գրառման մեջ նշել է Պակիստանի վարչապետ Շեհբազ Շարիֆը։

«Փառք Աստծո, Իսլամաբադի փոխըմբռնման հուշագրի շրջանակներում առաջին բարձր մակարդակի հանձնաժողովի նիստը հաջողությամբ ավարտվեց Շվեյցարիայի Բյուրգենշտոկում։ Քննարկումները տեղի են ունեցել դրական և կառուցողական մթնոլորտում և հանգեցրել են հուսադրող առաջընթացի, այդ թվում՝ 60 օրվա ընթացքում վերջնական համաձայնագրի հասնելու ճանապարհային քարտեզի շուրջ համաձայնության, քաղաքական վերահսկողություն ապահովելու համար բարձր մակարդակի հանձնաժողովի ստեղծման և հետագա տեխնիկական բանակցությունների մեկնարկի վերաբերյալ», - ասել է նա։

Շարիֆը երախտագիտություն է հայտնել բոլոր եղբայրական և բարեկամ երկրներին այս «պատմական գործընթացի» առաջխաղացման գործում իրենց աջակցության համար, ինչպես նաև ԱՄՆ-ին և Իրանին, Կատարին և Շվեյցարիայի կառավարությանը։

«Պակիստանը կշարունակի իր ազնիվ և անկեղծ դերը խաղալ խաղաղ և երկարատև կարգավորման ուղղությամբ երկխոսության, ինչպես նաև դիվանագիտության առաջխաղացման գործում», - եզրափակել է Շարիֆը։

Շվեյցարիայում բանակցություններին ամերիկյան կողմից մասնակցել են ԱՄՆ փոխնախագահ Ջեյ Դի Վենսը, նախագահի բանագնացներ Սթիվ Ուիթքոֆը և Ջարեդ Քուշները։ Իրանական պատվիրակության կազմում են եղել Մեջլիսի խոսնակ Մոհամմադ Բաղեր Ղալիբաֆը և արտգործնախարար Աբբաս Արաղչին։ Պակիստանը և Կատարը հանդիպումից հետո հայտարարել են, որ տեխնիկական բանակցությունները Շվեյցարիայում այս շաբաթ կշարունակվեն ավելի ցածր մակարդակի պաշտոնյաների մասնակցությամբ։

Հայերեն ქართული Русский

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը