2 րոպեի ընթերցում
Սիեթլ, ԱՄՆ
Մարզադաշտ «Սիեթլ»
D խումբ, երկրորդ տուր
ԱՄՆ-Ավստրալիա` 2:0
Ֆուտբոլի աշխարհի առաջնության խմբային փուլի արգելքը հաղթահարած հերթական հավաքականը ԱՄՆ ընտրանին է:
«Արմենպրես»-ի հաղորդմամբ` Մունդիալ-2026-ի խմբային փուլի հերթական օրը ԱՄՆ հավաքականը մրցելով Ավստրալիայի ընտրանու հետ` առավելության հասավ 2:0 հաշվով: Նախ Ավստրալիայի թիմից ինքնագոլի հեղինակ դարձավ Կամերոն Բարգեսը, իսկ ԱՄՆ-ից գոլը խփեց Ալեքս Ֆրիմանը: ԱՄՆ ընտրանին երկրորդ հաղթանակը տոնեց խմբում և դուրս եկավ 1/32-րդ եզրափակիչ:
Տեսանյութը` այստեղ:
Բոսթոն, ԱՄՆ
Մարզադաշտ «Բոսթոն»
C խումբ, երկրորդ տուր
Շոտլանդիա-Մարոկկո` 0:1
Մարոկկոյի հավաքականն առաջին հաղթանակը տոնեց ընթացիկ առաջնությունում` նվազագույն հաշվով հաղթելով Շոտլանդիայի թիմին: Մարոկկոյի կազմում աչքի ընկավ Իսմայիլ Սաիբարին: Այս տուրից հետո Մարոկկոն խմբի երկու առաջատարներից մեկն է:
Տեսանյութը` այստեղ:
Ֆիլադելֆիա, ԱՄՆ
Մարզադաշտ «Ֆիլադելֆիա»
C խումբ, երկրորդ տուր
Բրազիլիա-Հայիթի` 3:0
Մունդիալի 5-ակի հաղթող Բրազիլիայի հավաքականը երկրորդ տուրում մրցելով Հայիթիի հետ` առավելության հասավ 3:0 հաշվով: Բրազիլացիների կազմում աչքի ընկան Մատեուս Կունյան (դուբլ) և Վինիսիուս Ժունիորը: Խմբային փուլի վերջին տուրից առաջ Բրազիլիան ու Մարոկկոն ունեն 4-ական միավոր այս խմբում: 3 միավոր վաստակել է Շոտլանդիան, իսկ Հայիթին ոչ մի միավոր չունի:
Տեսանյութը` այստեղ:
Սան Ֆրանցիսկո, ԱՄՆ
Մարզադաշտ «Բայ Արենա»
D խումբ, երկրորդ տուր
Թուրքիա-Պարագվայ` 0:1
Ընթացիկ աշխարհի առաջնությունում իր երկրորդ անընդմեջ պարտությունը կրեց Թուրքիայի հավաքականը: Խմբային փուլի երկրորդ տուրում Պարագվայի հավաքականը 10 ֆուտբոլիստներով ու նվազագույն հաշվով հաղթեց թուրքերին: Այս խաղի միակ գոլը խփեց Մատիաս Գալարզան, այն էլ հանդիպման երկրորդ րոպեին: Այս խմբից թուրքերն այլևս դուրս չեն գա հաջորդ փուլ: Հաջորդ փուլում է ԱՄՆ ընտրանին: Երկրորդ տեղի համար կպայքարեն Ավստրալիան ու Պարագվայը: