2 րոպեի ընթերցում
Պենտագոնի ղեկավար Փիթ Հեգսեթը հայտարարել է, որ ԱՄՆ-ն ՆԱՏՕ-ի իր դաշնակիցներին կհայտնի պաշտպանական ծախսերի ավելացման անհրաժեշտության մասին: Նա նաև նշել է, որ դաշինքը պետք է հետևի կոշտ գծին։ «Արմենպրես»-ի փոխանցմամբ՝ այս մասին Հեգսեթն ասել է Բրյուսելում ՆԱՏՕ-ի գագաթնաժողովից առաջ։ Համապատասխան տեսանյութը տարածել է APT-ն։
«Շատ պարտավորություններ են ստանձնվել Հաագայի գագաթնաժողովում: Շատ երկրներ անում են դրանք, ոմանք պետք է անեն ավելին: Մենք անկեղծ կլինենք այդ մասին զրույցներում՝ ինչպես մասնավոր, այնպես էլ հրապարակային», - ասել է նա։
ԱՄՆ պաշտպանության նախարարն ընդգծել է, որ ԱՄՆ-ի համար կարևոր է «լինել ազնիվ բարեկամների հետ»: Նա նաև ընդգծել է պաշտպանական ծախսերի ավելացման անհրաժեշտությունը։
Հեգսեթը հավելել է, որ ՆԱՏՕ-ն պետք է կրկին դառնա «իսկական ռազմական դաշինք, որը հետևում է կոշտ գծին»։
Նա նաև շնորհակալություն է հայտնել ՆԱՏՕ-ի գլխավոր քարտուղար Մարկ Ռյուտեին իր աշխատանքի համար։
«Գլխավոր քարտուղարն անհավանական աշխատանք է կատարել մեզ հետ, նախագահ Թրամփի և ՆԱՏՕ-ի հետ՝ ՆԱՏՕ 3.0 տարբերակին հասնելու համար։ ՆԱՏՕ 3.0-ն այն իրողությունների ըմբռնումն է, որոնք ստեղծվել են սառը պատերազմից հետո։ Անհրաժեշտ է վերադառնալ իսկական ռազմական դաշինքի, որը հետևում է կոշտ դիրքորոշմանը և ունի զսպման իրական ռազմական հնարավորություններ մայրցամաքում», - նշել է Հեգսեթը։
Նրա հավելել է, որ ՆԱՏՕ-ն պետք է առաջատար դեր խաղա Եվրոպայի պաշտպանության գործում սովորական զինատեսակներով: