1 րոպեի ընթերցում
Կանադայի իշխանությունները պատրաստ են աջակցություն ցույց տալ Հորմուզի նեղուցով նավագնացության վերականգնմանը: «Արմենպրես»-ի փոխանցմամբ՝ The Globe and Mail թերթը հաղորդում է, որ այդ հայտարարությունն արել է Կանադայի վարչապետ Մարկ Քարնին Ֆրանսիայում G7-ի ղեկավարների գագաթնաժողովին ժամանելուց առաջ:
Նա նշել է, որ պատրաստ է Մեծ յոթնյակի մյուս ղեկավարների հետ քննարկել, թե Կանադան ինչով կարող է օգնել այդ հարցում այն բանից հետո, երբ ԱՄՆ-ն և Իրանն ստորագրեն համաձայնությունը:
Հունիսի 15-ի գիշերը ԱՄՆ-ի, Իրանի և միջնորդ հանդես եկող Պակիստանի պաշտոնատար անձինք հաստատել են Վաշինգտոնի և Թեհրանի միջև փոխըմբռնման հուշագրի համաձայնեցումը։ Այն նախատեսվում է ստորագրել հունիսի 19-ին Ժնևում։ Այնուհետև 60-օրյա հրադադարի ընթացքում կողմերը կքննարկեն նաև Թեհրանի միջուկային ծրագիրը: