1 րոպեի ընթերցում
Սևանա լիճը շարունակում է բարձրանալ՝ վերջին տասնամյակների համար աննախադեպ տեմպերով: 2026 թվականի հունիսի 1-ից 15-ն ընկած ժամանակահատվածում Սևանա լճի մակարդակը բարձրացել է 11 սանտիմետրով։
«Արմենպրես»-ի հաղորդմամբ՝ այս մասին «Ֆեյսբուք»-ի իր էջում գրել է ՀՀ Շրջակա միջավայրի նախարար Համբարձում Մաթևոսյանը՝ նշելով, որ հունիսի առաջին կեսին գրանցված նման աճ վերջին անգամ արձանագրվել էր ավելի քան երեք տասնամյակ առաջ՝ 1993 թվականին։
Մասնագետների գնահատմամբ՝ լճի մակարդակի բարձրացումը պայմանավորված է գետային առատ ներհոսքով և վերջին շրջանում գրանցված զգալի տեղումներով։
Նա նշել է, որ Սևանա լճի մակարդակի փոփոխությունների մշտադիտարկումը կարևոր նշանակություն ունի ինչպես ջրային ռեսուրսների կառավարման, այնպես էլ լճի էկոհամակարգի պահպանության տեսանկյունից։