Հայաստան

Ջերմուկում մայր արջը շրջում է ձագերի հետ․ ՇՄ նախարարությունը հորդորում է պահպանել անվտանգության կանոնները

2 րոպեի ընթերցում

Ջերմուկում մայր արջը շրջում է ձագերի հետ․ ՇՄ նախարարությունը հորդորում է պահպանել անվտանգության կանոնները

Համացանցում տեսանյութ է տարածվում, որում երևում է, թե ինչպես են Ջերմուկ քաղաքում քաղաքացիները տեսանկարահանում մայր արջին՝ իր ձագերի հետ։ «Արմենպրես»-ի փոխանցմամբ՝ Շրջակա միջավայրի նախարարությունը հիշեցնում է, որ վայրի կենդանիների, հատկապես ձագերի հետ գտնվող մայր արջի հետ հանդիպումը կարող է վտանգավոր լինել ինչպես մարդկանց, այնպես էլ կենդանիների համար։ 

Գերատեսչությունը հորդորում է քաղաքացիներին չմոտենալ արջերին, չփորձել նրանց լուսանկարել կամ տեսանկարահանել մոտ տարածությունից, չկերակրել կենդանիներին և չգրավել նրանց ուշադրությունը։

«Արջի հանդիպելիս անհրաժեշտ է պահպանել հանգստություն, չվազել, չկատարել կտրուկ շարժումներ։ Պետք է դանդաղ հեռանալ՝ կենդանուն ազատ տեղաշարժվելու հնարավորություն տալով։ Հատկապես կարևոր է զգոն լինել ձագերի առկայության դեպքում, քանի որ մայր արջը կարող է ագրեսիվ վարքագիծ դրսևորել՝ պաշտպանելով իր ձագերին»,– նշված է կառույցի տարածած հաղորդագրության մեջ։

Քաղաքացիներին նաև հորդորում են չհավաքվել կենդանիների շուրջ և չփակել նրանց հեռանալու ճանապարհը։ 

Նախարարության տարածած հաղորդագրության մեջ ընդգծվում է, որ վայրի կենդանիները բնական միջավայրի անբաժանելի մասն են, և նրանց հետ անվտանգ համակեցությունը պահանջում է զգուշավոր ու պատասխանատու վարքագիծ։

Կարդացեք հոդվածը` English
AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում