Հայաստան

Սևանա լիճ է բաց թողնվել 705 700 հատ «Գեղարքունի» ենթատեսակի մանրաձուկ

1 րոպեի ընթերցում

Սևանա լիճ է բաց թողնվել  705 700 հատ «Գեղարքունի» ենթատեսակի մանրաձուկ

Սևանա լիճ է բաց թողնվել Սևանի իշխանի «Գեղարքունի» ենթատեսակի 705 700 հատ մանրաձուկ։

«Արմենպրես»-ի փոխանցմամբ՝ ՀՀ Շրջակա միջավայրի նախարարությունից հայտնում են, որ մանրաձկների բացթողումն իրականացվել է Սևանա լճի ձկնային պաշարների վերականգնման և էկոհամակարգային կայունության պահպանմանն ուղղված աշխատանքների շրջանակում։

«Սևանի իշխանի պաշարների վերականգնումը բնապահպանական առաջնահերթություններից է։  Յուրաքանչյուր նման միջոցառում կարևոր քայլ է լճի կենսաբազմազանության պահպանման, ձկնային պաշարների համալրման և բնական հավասարակշռության վերականգնման ուղղությամբ»,-նշված է հաղորդագրության մեջ։

Նախարարությունից տեղեկացնում են, որ 2026 թվականին նախատեսվում է Սևանա լիճ բաց թողնել ընդհանուր առմամբ 1 միլիոն մանրաձուկ։

«Շարունակվելու են հետևողական աշխատանքները՝ ուղղված Սևանա լճի էկոհամակարգի պահպանությանն ու վերականգնմանը»,-նշում է գերատեսչությունը։

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում