368.44
Կատարը դատապարտել է Իրանի հարձակումները Հորդանանի, Քուվեյթի և Բահրեյնի վրա
1 րոպեի ընթերցում
Կատարը դատապարտել է Իրանի հարձակումները Հորդանանի, Քուվեյթի և Բահրեյնի վրա՝ դրանք անվանելով պետությունների ինքնիշխանության և միջազգային իրավունքի կանոնների կոպիտ խախտում։ «Արմենպրես»-ի փոխանցմամբ՝ այս մասին հայտնել է Կատարի արտաքին գործերի նախարարությունը։
«Արտաքին գործերի նախարարությունը ընդգծում է տարածաշրջանն այս անհիմն հարձակումների հետևանքներից զերծ պահելու և լարվածության թուլացման ուղղությամբ աշխատելու անհրաժեշտությունը՝ տարածաշրջանային և միջազգային մակարդակներում անվտանգությունն ու կայունությունը վերականգնելու համար», - նշվել է X-ում նախարարության էջում կատարված գրառման մեջ։
ԱԳՆ-ն վերահաստատել է իր լիակատար համերաշխությունը Հորդանանի, Քուվեյթի և Բահրեյնի հետ և իր աջակցությունը հայտնել նրանց կողմից ձեռնարկվող բոլոր քայլերին՝ միտված սեփական երկրի ինքնիշխանության ու անվտանգության պահպանմանը։
Մերձավոր Արևելքում վերջին օրերին իրավիճակը կրկին թեժացել է։ Միացյալ Նահանգները հարվածներ է հասցրել Իրանին, իսկ պաշտոնական Թեհրանը սկսել է պատասխան հարվածներ հասցնել տարածաշրջանի երկրներում ամերիկյան ռազմաբազաներին։
Բաժանորդագրվեք մեր ալիքին Telegram-ում