ԻՀՊԿ-ն հայտարարել է Հորդանանում ամերիկյան կործանիչներ թիրախավորելու մասին

Իրանի Իսլամական հեղափոխության պահապանների կորպուսը (ԻՀՊԿ) հունիսի 11-ին հայտարարել է, որ օգտագործել է 12 բալիստիկ հրթիռ՝ թիրախավորելով ԱՄՆ զինված ուժերի F-35, F-15 և F-16 կործանիչները, ինչպես նաև հարվածել է Հորդանանում գտնվող ամերիկյան ռազմաբազային։ «Արմենպրես»-ի փոխանցմամբ՝ այս մասին հայտնում է Al Jazeera-ն։

Հորդանանում ԱՄՆ դեսպանությունը իր քաղաքացիներին նախազգուշացրել է անհապաղ գնալ ապաստարաններ։

«Հաղորդագրությունները ցույց են տալիս, որ հրթիռներ կամ անօդաչու թռչող սարքեր կան Հորդանանի օդային տարածքում», - նշել է դեսպանությունը։

Իսլամական հեղափոխության պահապանների կորպուսն (ԻՀՊԿ) ավելի վաղ հայտարարել էր, որ երկու ալիքով պատասխան հարված է հասցրել ԱՄՆ տարածաշրջանային օբյեկտներին, որոնք գտնվում են Քուվեյթում, Բահրեյնում և տարածաշրջանի այլ երկրներում։