1 րոպեի ընթերցում
30 զոհ և 92 վիրավոր․ այսպիսին է Լիբանանի հարավի և Արևմտյան Բեքաա շրջանի բնակավայրերում «Հեզբոլլահ» շարժման հենակետերին Իսրայելի օդուժի հասցրած հարվածների հետևանքը։ «Արմենպրես»-ի հաղորդմամբ՝ այս մասին հայտնում է Լիբանանի առողջապահության նախարարությունը։
Գերատեսչությունը հայտնում է նաև, որ տարածաշրջանում ռազմական լարվածության վերսկսման պահից՝ մարտի 2-ից մինչ օրս արդեն զոհվել է 3696, վիրավորվել՝ 11413 մարդ։
Նախարարությունը տեղեկացնում է, որ բնակավայրերի ռմբակոծությունները շարունակվում են, և զոհերի և վիրավորների թիվը կարող է փոխվել ցանկացած պահի։