1 րոպեի ընթերցում
Իսրայելի ռազմաօդային ուժերի ինքնաթիռները հարվածներ են հասցրել Լիբանանի հարավում գտնվող Նաբաթիե, Սաիդա և Տիր քաղաքների ծայրամասերին, որի հետևանքով վերջին 24 ժամվա ընթացքում զոհվել է 24 և վիրավորվել 116 մարդ։ Ինչպես հաղորդում է «Արմենպրես»-ը, այս մասին հայտնել է երկրի առողջապահության նախարարությունը։
«Մարտի 2-ից` ռազմական էսկալացիայի սկսվելուց ի վեր զոհված քաղաքացիական անձանց ընդհանուր թիվը հասել է 3637-ի, վիրավորվել է 11188 մարդ», - ասվում է հայտարարության մեջ։
Առողջապահության նախարարությունը նշել է, որ կեսօրին իսրայելական անօդաչու թռչող սարքը հարվածել է Լիբանանի Կարմիր խաչի շտապօգնության մեքենային Տիրի արվարձանում, որի հետևանքով տարբեր աստիճանի վնասվածքներ է ստացել չորս շտապօգնության աշխատակից։