ԱՄՆ զինուժը հերքել է Իրանում ամերիկյան օդանավի ոչնչացման մասին լուրերը

ԱՄՆ զինված ուժերի կենտրոնական հրամանատարությունը հերքել է տեղեկություններն այն մասին, որ իրանական ուժերն ամերիկյան օդանավ են խոցել Իրանի «Բուշեր» ատոմակայանի մոտակայքում։

«ԱՄՆ ոչ մի ինքնաթիռ չի խոցվել։ Բոլոր ամերիկյան օդանավերը գտնվում են իրենց նշանակված դիրքերում», - «Արմենպրես»-ի փոխանցմամբ, ասվում է հրամանատարության կայքում տեղադրված հայտարարության մեջ։

Ավելի վաղ Իրանի պետական հեռուստաընկերությունը հայտնել էր, որ Իրանի հակաօդային պաշտպանության ուժերը երկրի հարավում խոցել են ամերիկյան օդանավ: