2 րոպեի ընթերցում
Գեղարքունիքի մարզի Վարդենիս համայնքի Կոմիտաս Կարապետյանի անվան գեղարվեստի դպրոցի աշակերտներն աչքի են ընկել «ԷՏՅՈՒԴ» միջազգային մրցույթ-փառատոնում։
Ինչպես «Արմենպրես»-ին տեղեկացրին Վարդենիսի համայնքապետարանի աշխատակազմից, մրցույթ-փառատոնում հատուկ մրցանակի է արժանացել Զոյա Ղազարյանը։ 1-ին կարգի մրցանակակիրներ են դարձել Զոյա Ղազարյանը և Էլմիրա Մարտիրոսյանը, 2-րդ կարգի մրցանակակիրներ՝ Դավիթ Գասպարյանը, Տարոն Ղազարյանը, Ժասմեն Սահակյանը, Շուշաննա Սահակյանը, 3-րդ կարգի մրցանակակիրներ՝ Հայկ Շաբոյանը, Ռուբեն Մալոյանը, Նեկտար Մուրադյանը, Էլեն Գրիգորյանը, Սոֆի Կարապետյանը։ Դիպլոմներով պարգևատրվել են դասատուներ Սուսաննա Ալեքսանյանը, Գայանե Ասլանյանը, Հակոբ Հակոբյանը, Նարեկ Խաչատրյանը, Լիանա Ասատրյանը։
Մրցանակակիրներին և նրանց ուսուցիչներին ընդունել է Վարդենիս համայնքի ղեկավարի առաջին տեղակալ Կարեն Մկրտչյանը։
Նա բարձր է գնահատել մանկական գեղարվեստի դպրոցի դերակատարությունը համայնքի մշակութային կյանքի զարգացման գործում՝ ընդգծելով, որ շնորհալի երեխաների հաջողությունները համայնքի հպարտությունն են։
Կարեն Մկրտչյանը շնորհավորել է սաներին՝ արձանագրած հաջողությունների համար, մաղթել նոր ստեղծագործական նվաճումներ և վստահեցրել, որ համայնքապետարանը շարունակելու է աջակցել մշակութային կրթության զարգացմանն ու պատանի տաղանդների խրախուսմանը։
Հանդիպման ընթացքում քննարկվել են նաև դպրոցի գործունեությանը, կրթամշակութային ծրագրերին և ստեղծագործական ձեռքբերումներին վերաբերող հարցեր։