Եվրոպան մտադիր է մեծացնել ազդեցությունը ՆԱՏՕ-ում. Ֆրանսիայի ԱԳՆ

Եվրոպան մտադիր է մեծացնել ազդեցությունը Հյուսիսատլանտյան դաշինքում՝ հաշվի առնելով, որ ԱՄՆ-ն վերանայում է իր ներկայությունը Եվրոպայի երկրներում: «Արմենպրես»-ի փոխանցմամբ՝ այս մասին հայտարարել է Ֆրանսիայի արտաքին գործերի նախարար Ժան-Նոել Բարոն՝ ժամանելով Շվեդիայի Հելսինգբորգ քաղաք՝ ՆԱՏՕ-ի արտաքին գործերի նախարարների հանդիպմանը:

«Պահը, երբ ԱՄՆ-ն վերանայում է Եվրոպայում դաշինքի շրջանակներում իր մասնակցության և ներկայության մակարդակը, հենց հնարավորություն է Ֆրանսիայի և եվրոպացիների համար՝ զարգացնելու այնտեղ իրենց տեսլականը, իրենց ներուժը, մի խոսքով՝ եվրոպականացնելու ՆԱՏՕ-ն», - նրա խոսքերն է մեջբերում ՏԱՍՍ-ը:

Բարոյի կարծիքով՝ Եվրոպայի երկրները ՆԱՏՕ-ում «ստանձնում են լիակատակար պատասխանատվությունը»:

Ավելի վաղ ԱՄՆ նախագահ Դոնալդ Թրամփը հայտարարել էր, որ ԱՄՆ-ն շատ լուրջ վերանայման կենթարկի ուղեգիծը ՆԱՏՕ-ի շրջանակներում: Նրա խոսքով՝ դաշինքը Վաշինգտոնին չօգնեց Իրանի շուրջ ստեղծված իրադրությունում, թեև ԱՄՆ-ն «տրիլիոնավոր դոլար է վճարում ՆԱՏՕ-ի համար»: