Հայաստանը չի կարող հրաժարվել անկլավների թեմայից, քանի որ ունի Արծվաշենը. Փաշինյան

3 րոպեի ընթերցում

Հայաստանն Ադրբեջանի հետ բանակցություններում չի կարող հրաժարվել անկլավների թեմայից։  

«Արմենպրես»-ի հաղորդմամբ՝ մայիսի 22-ի ճեպազրույցի ժամանակ այս մասին հայտարարել է ՀՀ վարչապետ Նիկոլ Փաշինյանը։

Անդրադառնալով Ադրբեջանի հետ սահմանազատման և անկլավների թեմային՝ Փաշինյանը նշել է, որ Հայաստանը և Ադրբեջանը միմյանց տարածքային ամբողջականությունը ճանաչել են Ալմաթիի հռչակագրի հիման վրա։

«Իրավական պարտադիր ուժ ունեցող թուղթ կա, որ Ալմաթիի հռչակագիրը երկու երկրների սահմանազատման բազային հիմքն է»,- ասել է վարչապետը։

Նրա խոսքով՝ Ալմաթիի հռչակագրի համաձայն՝ անկախ Հայաստանը նույնական է Խորհրդային Հայաստանին, իսկ անկախ Ադրբեջանը՝ Խորհրդային Ադրբեջանին։

Փաշինյանը նշել է, որ Հայաստանը չի կարող հրաժարվել անկլավների հարցից, քանի որ այդ դեպքում հրաժարում կլինի նաև Հայաստանի ինքնիշխան տարածքից։

«Այսօր կան հարցեր, և անկլավների թեմայից մենք չենք կարող հրաժարվել մեկ պարզ պատճառով, որովհետև մենք ինքներս ունենք անկլավ՝ Արծվաշենը։ Եթե որևէ մեկը հրաժարվի, դա քրեական պատասխանատվության հիմք է։ Ոչ մեկ չի կարող հրաժարվել Հայաստանի ինքնիշխան տարածքից»,- ասել է նա։

Միևնույն ժամանակ վարչապետն ընդգծել է, որ այս պահին անկլավների հարցի լուծման վերաբերյալ որևէ պայմանավորվածություն կամ ռազմավարություն չկա։

«Որևէ պայմանավորվածություն, որևէ հայեցակարգ, ռազմավարություն այդ հարցի լուծման հետ կապված չկա, բայց կանոնակարգը սահմանում է դեպքեր, որ հնարավոր է նաև նայվի, թե մենք այդ հարցին ոնց ենք մոտենում»,- նշել է Փաշինյանը։

Վարչապետի խոսքով՝ սահմանազատման գործընթացում քննարկվելու են նաև ճանապարհների, ենթակառուցվածքների և հաղորդակցությունների հետ կապված հարցերը, իսկ հնարավոր որոշումները լինելու են բաց և հրապարակային։

«Եթե սահմանազատման ընթացքում որոշ օպտիմալացումներ լինեն, դրանք կլինեն բաց, հրապարակային և թափանցիկ»,-ասել է նա։

Փաշինյանը վերահաստատել է, որ սահմանազատման արդյունքներով Հայաստանի Հանրապետության տարածքը կլինի 29 հազար 743 քառակուսի կիլոմետր։

«Սա երկաթյա տրամաբանություն է, ուրիշ տրամաբանություն չի կարող լինել»,- նշել է վարչապետը։

Հայերեն English Español Русский 中文

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը