Իրանը սպասվածից արագ է վերականգնում ռազմական արդյունաբերական բազան. CNN

Իրանն ապրիլի սկզբին սկսված հրադադարի ընթացքում արդեն վերսկսել է անօդաչու թռչող սարքերի արտադրության մի մասը։ «Արմենպրես»-ի փոխանցմամբ՝ այս մասին հայտնում է CNN-ը՝ հղում անելով ԱՄՆ հետախուզության գնահատականներին ծանոթ երկու աղբյուրների։

Զեկույցում, հղում անելով չորս աղբյուրի, նշվում է, որ ԱՄՆ հետախուզական տվյալներով՝ Իրանի զինված ուժերը վերականգնվում են շատ ավելի արագ, քան սկզբում կանխատեսվում էր։

ԱՄՆ նախագահ Դոնալդ Թրամփը մայիսի 20-ին հայտարարել էր, որ Միացյալ Նահանգները պատրաստ է շարունակել Թեհրանի վրա հետագա հարձակումները, եթե Իրանը չհամաձայնի խաղաղության համաձայնագրի հետ, սակայն նշել է, որ Վաշինգտոնը կարող է մի քանի օր սպասել՝ «ճիշտ պատասխաններ ստանալու» համար։