ՀԷՑ-ը հայտարարել է շուրջ 600 բազմաբնակարան շենքի էլեկտրամատակարարման ցանցի վերանորոգման մրցույթ

2 րոպեի ընթերցում

«Հայաստանի էլեկտրական ցանցեր» ընկերության 2026 թվականի ներդրումային ծրագրով նախատեսված աշխատանքները գտնվում են մեկնարկային փուլում։ «Արմենպրես»-ի հաղորդմամբ՝ «Ֆեյսբուք»-ի իր էջում այս մասին գրել է ընկերության ժամանակավոր կառավարիչ Ռոմանոս Պետրոսյանը։

Նրա փոխանցմամբ՝ արդեն կնքվել են շուրջ 16 միլիարդ դրամի բյուջեով կապալի պայմանագրեր, ինչպես նաև ավելի քան 12 միլիարդ դրամ արժողությամբ էլեկտրատեխնիկական սարքավորումների և նյութերի ձեռքբերման պայմանագրեր։

«ՀԾԿՀ կողմից հաստատված՝ ՀԷՑ-ի 2026 թվականի Ներդրումային ծրագրի ընդհանուր բյուջեն կազմում է շուրջ 46,7 մլրդ ՀՀ դրամ (առանց՝ ԱԱՀ):

2026 թվականի Ներդրումային ծրագրի շրջանակներում այսօր արդեն հայտարարվել է Երևան քաղաքում և ՀՀ մի շարք խոշոր բնակավայրերում շուրջ 600 բազմաբնակարան շենքերի՝ ավելի քան 1500 շքամուտքերի էլ.տնտեսությունների վերանորոգման (շքամուտքերում էլեկտրամատակարարման ցանցի բարելավում) աշխատանքների իրականացման նպատակով կապալառու կազմակերպությունների ընտրության մրցույթ»,- գրել է Պետրոսյանը։

Նա նշել է, որ մրցույթն իրականացվելու է 7 լոտերով՝ ընդգրկելով Երևանի մի շարք վարչական շրջաններ, ինչպես նաև Կոտայքի, Գեղարքունիքի, Շիրակի և Լոռու մարզերի խոշոր քաղաքներն ու բնակավայրերը։

Պետրոսյանի խոսքով՝ շուրջ 600 բազմաբնակարան շենքերի էլեկտրամատակարարման ցանցի վերանորոգման և բարելավման աշխատանքների համար ՀԷՑ-ի 2026 թվականի ներդրումային ծրագրով նախատեսվել է մոտ 600 միլիոն դրամ։

Հայերեն Русский

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին

Թվային լուծումներ՝ մեկ էկոհամակարգում․ IDBank-ը՝ DigiTec 2026-ում

Firebird-ը Dell Technologies-ի հետ ընդլայնում է իր ԱԲ ենթակառուցվածքը Հայաստանում