1 րոպեի ընթերցում
«Հայ ազգային կոնգրես» կուսակցության անդամները՝ նախընտրական ցուցակը գլխավորող Լևոն Զուրաբյանի մասնակցությամբ, Հայաստանում կայանալիք խորհրդարանական ընտրությունների քարոզարշավի շրջանակներում մայիսի 15-ին շրջել են Երևանի փողոցներով, հանդիպել և շփվել են քաղաքացիների հետ:
«Արմենպրես»-ի հաղորդմամբ՝ վարչապետի թեկնածու Լևոն Զուրաբյանը քաղաքացիներին բաժանել է քարոզչական թռուցիկներ, ներկայացրել իրենց ծրագրերն ու պատասխանել նրանց հարցերին:
Անդրադառնալով հանրային տրանսպորտի ոլորտում առկա խնդիրները վերացնելու հարցին՝ Զուրաբյանն ընդգծել է, որ առհասարակ Երևանի ամբողջ ենթակառուցվածքը պետք է փոխել:
Մայիսի 8-ին մեկնարկել է Հայաստանում հունիսի 7-ին կայանալիք խորհրդարանական ընտրությունների նախընտրական քարոզարշավը, որը կշարունակվի մինչև հունիսի 5-ը։ Ընտրություններին մասնակցելու համար գրանցվել է 19 քաղաքական ուժ՝ 2 դաշինք և 17 կուսակցություն։
«Հայ ազգային կոնգրես» կուսակցությունն ընտրություններին մասնակցում է 10 համարի ներքո՝ «Խելամիտ ուղի Հայաստանի համար» կարգախոսով։ «Հայ ազգային կոնգրես» կուսակցությունը ԿԸՀ է ներկայացրել 99 թեկնածուից կազմված ընտրական ցուցակ: