1 րոպեի ընթերցում
Իրանի արտաքին գործերի նախարարությունը հերքել է Արաբական Միացյալ Էմիրությունների տարածքին հրթիռային հարվածներ հասնելու մեղադրանքները։ «Արմենպրես»-ի փոխանցմամբ՝ համապատասխան հայտարարությունը գերատեսչությունը հրապարակել է իր Telegram ալիքում։
«Մենք ժխտում ենք Աբու Դաբիի կեղծ հայտարարություններն Իրանի կողմից ԱՄԷ-ի ուղղությամբ հրթիռներ և անօդաչու թռչող սարքեր արձակելու վերաբերյալ», - ասվում է հայտարարության մեջ:
Ավելի վաղ ԱՄԷ պաշտպանության նախարարությունը հայտարարել էր, որ Իրանը մայիսի 4-ին երկրի վրա արձակել է 15 հրթիռ, ինչպես նաև չորս անօդաչու թռչող սարք։ Գերատեսչությունը նշել է, որ գրոհների ընթացքում երեք մարդ միջին ծանրության վիրավորում է ստացել։ Ֆուջեյրայի էմիրության նավթավերամշակման համալիրի տարածքում խոշոր հրդեհ է բռնկվել։