ՆԱՏՕ-ն աշխատում է ԱՄՆ-ի հետ՝ Գերմանիայում ռազմական ներկայության վերաբերյալ որոշման մանրամասները հասկանալու համար
1 րոպեի ընթերցում
ՆԱՏՕ-ն կապի մեջ է Ամերիկայի Միացյալ Նահանգների հետ՝ Գերմանիայից ամերիկացի 5000 զինվորականի դուրսբերման հետ կապված իրավիճակը պարզաբանելու համար։
«Արմենպրես»-ի փոխանցմամբ՝ այս մասին X-ում գրել է դաշինքի խոսնակ Ալիսոն Հարթը։
«Մենք աշխատում ենք ԱՄՆ-ի հետ՝ Գերմանիայում նրանց ռազմական ներկայության վերաբերյալ որոշման մանրամասները հասկանալու համար», - նշվում է հայտարարության մեջ։
Հարթը շեշտել է, որ շարունակում են վստահ լինել զսպման և պաշտպանության ապահովման իրենց կարողության վրա։
Ավելի վաղ ԱՄՆ պաշտպանության նախարարի հասարակայնության հետ կապերի գծով օգնական Շոն Փարնելը հայտարարել էր, որ Պենտագոնի ղեկավար Փիթ Հեգսեթը հրամայել է Գերմանիայից դուրս բերել 5000 ամերիկացի զինծառայողի։ Զորքերի դուրսբերումը, ենթադրաբար, կավարտվի 6-12 ամսվա ընթացքում:
Գերմանիայի պաշտպանության նախարար Բորիս Պիստորիուսն էլ հայտարարել էր, որ Գերմանիայից 5000 ամերիկացի զինվորի դուրսբերման մասին հայտարարությունը կանխատեսելի էր։ Նա նշել էր, որ ամերիկյան զորքերի ներկայությունը Եվրոպայում և հատկապես Գերմանիայում բխում է ինչպես իրենց, այնպես էլ Միացյալ Նահանգների շահերից։