1 րոպեի ընթերցում
Ռազմական գործողությունների վերսկսումն Իրանում և ամբողջ տարածաշրջանում կործանարար հետևանքներ կունենա միլիոնավոր քաղաքացիական անձանց համար։ Ինչպես «Արմենպրես»-ը տեղեկանում է France 24-ից, այս մասին հայտարարել է Կարմիր խաչի միջազգային կոմիտեի (ԿԽՄԿ) նախագահ Միրյանա Սպոլյարիչը Թեհրան կատարած այցի ժամանակ։
«Վեց շաբաթ տևած մարտական գործողություններն Իրանը և ամբողջ Մերձավոր Արևելքը ներքաշել են պատերազմի մեջ, որը կործանարար է եղել քաղաքացիական բնակչության և այն ենթակառուցվածքների համար, որոնցից կախված է նրանց գոյատևումը: Ցանկացած վերադարձ այս ինտենսիվության և մասշտաբի հակամարտության աղետալի կլինի միլիոնավոր մարդկանց համար», - ասել է Սպոլյարիչը։
ԱՄՆ-ն և Իսրայելը փետրվարի 28-ին հարձակում են սկսել Իրանի դեմ, որն էլ պատասխան հարվածներ է հասցրել Իսրայելին և տարածաշրջանում ամերիկյան օբյեկտներին։
Ապրիլի 8-ին հաստատվել է երկշաբաթյա հրադադար, որի ժամկետը լրանալուց առաջ ԱՄՆ նախագահը հայտարարել է այն անորոշ ժամկետով երկարաձգելու մասին։