1 րոպեի ընթերցում
Հանրապետությունում ապրիլի 25-ի և 26-ի ցերեկը, 27-30-ը առանձին շրջաններում ժամանակ առ ժամանակ սպասվում է անձրև և ամպրոպ, առանձին հատվածներում հնարավոր է նաև կարկուտ: Քամին` հարավարևմտյան` 2-5 մ/վ, ամպրոպի ժամանակ կդիտվի նաև քամու ուժգնացում 16-20 մ/վ արագությամբ։
«Արմենպրես»-ի հաղորդմամբ՝ այս մասին տեղեկացնում են Հիդրոօդերևութաբանության և մոնիթորինգի կենտրոնից՝ նշելով, որ օդի ջերմաստիճանն էապես չի փոխվի:
Երևան քաղաքում ապրիլի 25-ի ցերեկը, 26-ի գիշերը, 30-ի ցերեկը սպասվում է առանց տեղումների եղանակ։ Ապրիլի 26-ի ուշ երեկոյան, 27-ի գիշերը և կեսօրից հետո կլինի անձրև և ամպրոպ։ Ապրիլի 28-29-ը առավելապես երեկոյան ժամերին, 30-ի գիշերը հնարավոր է կարճատև անձրև և ամպրոպ։ Ամպրոպի ժամանակ կդիտվի նաև քամու ուժգնացում 16-19 մ/վ արագությամբ։