Վահան Կոստանյանն Անթալիայի դիվանագիտական ֆորումի շրջանակներում հարցազրույցներ է տվել մի շարք թուրքական լրատվամիջոցների

Անթալիայի դիվանագիտական ֆորումի շրջանակներում Հայաստանի արտաքին գործերի նախարարի տեղակալ Վահան Կոստանյանը հարցազրույցներ է տվել մի շարք լրատվամիջոցների, այդ թվում՝ CNN Turk, Turkiye Gazetesi, HaberTurk և Turkish TV Net Yenisafak:

«Արմենպրես»-ի փոխանցմամբ՝ այս մասին հաղորդագրություն է տարածել ՀՀ արտաքին գործերի նախարարությունը։

Հարցազրույցների ընթացքում Վահան Կոստանյանը պատասխանել է լրագրողների հարցերին՝ անդրադառնալով տարածաշրջանային զարգացումներին, Հայաստան-Թուրքիա, Հայաստան-Ադրբեջան հարաբերությունների կարգավորման գործընթացներին, խաղաղության և փոխկապակցվածության ամրապնդման կարևորությանը։