Արսեն Թորոսյանը մանրամասնել է՝ ինչպես են պատրաստվում լուծել տաքսու վարորդների կենսաթոշակի հարցը
1 րոպեի ընթերցում
Հայաստանի աշխատանքի և սոցիալական հարցերի նախարար Արսեն Թորոսյանը ներկայացրել է, թե ինչպես է Կառավարությունը պատրաստվում լուծել տաքսու վարորդների կենսաթոշակի հարցը։
«Արմենպրես»-ի փոխանցմամբ՝ Արսեն Թորոսյանն այդ մասին գրառում է արել «Ֆեյսբուք»-ի իր էջում։
«Վերջին մի քանի ամիսներին տաքսու վարորդների հետ հանդիպումների ժամանակ մենք արդեն իսկ նրանց հայտնել ենք, որ նրանց կենսաթոշակի հարցը լուծելու ենք հետևյալ կերպ.
- Մինչև 1974թ. ծնվածների համար ստաժ հաշվարկել այն բոլոր ամիսները, որոնց ընթացքում նրանց վճարած տուրքը կգերազանցի նվազագույն աշխատավարձից վճարվող եկամտային հարկը:
- 1974թ. հետո ծնվածներին հնարավորություն տալ կամավոր միանալ կուտակային կենսաթոշակային համակարգին, որին կմասնակցի նաև պետությունը:
Օրենսդրական նախաձեռնությունները հենց հիմա գտնվում են մշակման մեջ»,- գրել է նախարարը: