Վրաստանի վարչապետն ու Ղազախստանի ԱԳ նախարարը քննարկել են երկկողմ հարաբերությունների օրակարգային հարցեր

Թբիլիսի կատարած պաշտոնական այցի ընթացքում Ղազախստանի Հանրապետության արտաքին գործերի նախարար Երմեկ Կոշերբաևը հանդիպել է Վրաստանի վարչապետ Իրակլի Կոբախիձեի հետ։

«Արմենպրես»-ի հաղորդմամբ՝ այս մասին ասված է Ղազախստանի ԱԳ նախարարության տարածած հաղորդագրության մեջ։

Նշվում է, որ բանակցությունների ընթացքում կողմերը վերահաստատել են քաղաքական երկխոսության հետագա ամրապնդման և ամենաբարձր մակարդակներում ձեռք բերված պայմանավորվածությունների իրականացման իրենց հանձնառությունը։

Հաղորդվում է, որ հանդիպմանը քննարկվել են նաև ղազախա-վրացական հարաբերությունների արդիական հարցեր առևտրատնտեսական, ներդրումային, մշակութային և հումանիտար ոլորտներում։