«Սարդարապատ» ֆուտբոլային ակումբի նախաձեռնությամբ Արմավիր քաղաքում կայացել է դպրոցական աղջիկների մրցաշար
1 րոպեի ընթերցում
Արմավիր քաղաքի «Սարդարապատ» ֆուտբոլային ակումբի նախաձեռնությամբ կայացել է աղջիկների դպրոցական ֆուտբոլային մրցաշար:
«Արմենպրես»-ին այս մասին հայտնեցին «Սարդարապատ» ակումբի մամուլի ծառայությունից:
Մրցաշարն իրականացվում է «Սարդարապատ»-ի «Արմավիրում կանանց ֆուտբոլի զարգացումը՝ որպես հավասարության, կրթության և հզորացման լծակ» ծրագրի շրջանակներում: Նախաձեռնությունը կյանքի է կոչվել Հայաստանում Ֆրանսիայի դեսպանատան և Ֆրանսիայի Օ-դը-Ֆրանս շրջանի անմիջական ու գործուն աջակցությամբ։
Մասնակցության հայտ են ներկայացրել 8 դպրոցների ավելի քան 110 աշակերտներ:
Ակումբն իր վրա է վերցրել բոլոր կազմակերպչական ծախսերը, այդ թվում՝ մասնակիցների տեղափոխումն ու անհրաժեշտ պայմանների ապահովումը:
Մրցաշարի շրջանակում երկու տարիքային խմբերում հաղթող են ճանաչվել Մյասնիկյանի Արայի անվան միջնակարգ դպրոցը (մինչև 12 տարեկան) և Պտղունքի Տիգրան Մեծի անվան միջնակարգ դպրոցը (12 տարեկանից բարձր):