Իրանն արտոնել է մարդասիրական օգնություն տեղափոխող նավերի անցումը Հորմուզի նեղուցով

Իրանի իշխանություններն ապրիլի 4-ին հավանություն են տվել մարդասիրական օգնություն տեղափոխող նավերի անցմանը իրանական նավահանգիստներ՝ Հորմուզի նեղուցով։ «Արմենպրես»-ի հաղորդմամբ՝ այս մասին հայտնել է Tasnim լրատվական գործակալությունը։

Երկրի գյուղատնտեսության նախարարության տարածած հայտարարությունում նշված է, որ այս որոշմանն աջակցել են Իրանի կառավարությունը և զինված ուժերը։ Հաստատվել է առաջին անհրաժեշտության ապրանքներ, սնունդ և անասուններ տեղափոխող նավերի տարանցումը։ Հորմուզի նեղուցով այդ նավերի անվտանգ անցումն ապահովելու համար մշակվել են հատուկ արձանագրություններ և անհրաժեշտ դրույթներ։

Փետրվարի 28-ին ԱՄՆ-ի և Իսրայելի հարվածներից հետո Իրանը փակել է Հորմուզի նեղուցը, որով անցնում է նավթի և գազի համաշխարհային մատակարարումների մեկ հինգերորդը։ Ներկայում նեղուցով կարող են անցնել միայն Իրանին բարեկամ երկրներից եկող լցանավերը՝ այս երկրի իշխանությունների արտոնմամբ