1 րոպեի ընթերցում
ԱՄՆ-ն և Իսրայելը հարվածներ են հասցրել Իրանի հյուսիս-արևմուտքում գտնվող տիեզերական արդյունաբերության օբյեկտին՝ պատճառելով ավերածություններ, սակայն զոհեր չկան։ Այդ մասին տեղեկացնում է «Արմենպրես»-ը՝ վկայակոչելով իրանական «ՖԱՐՍ» գործակալությունը։
«Ամերիկաիսրայելական ուժերը հարձակվել են Սալմաստի շրջանում գտնվող հետազոտական արբանյակային կայանի վրա, որի նկատմամբ վերջերս սահմանվել էր խիստ վերահսկողություն։ Կայանի միջոցով ստացվում էին արբանյակային տվյալներ», - ասված է հաղորդագրության մեջ։
Գործակալությունը հայտնել է նաև Արևմտյան Ատրպատական նահանգում տեղակայված օբյեկտի հարևանությամբ գտնվող որոշ շենքերի վնասների մասին՝ նշելով, որ հարձակման արդյունքում զոհեր չեն եղել։