361.33
Իրանը հայտարարել է, որ պատրաստ է ԱՄՆ-ի դեմ երկարատև պատերազմի
1 րոպեի ընթերցում
ԱՄՆ-ն հայտնվել է Մերձավոր Արևելքում հակամարտության ձգձգման ծուղակում, սակայն ուժասպառ անող պատերազմը ձեռնտու կլինի Իրանին, որն ունի ստորգետնյա օբյեկտների և արտադրական ամբողջական ցիկլ ունեցող գործարանների զարգացած ցանց։ «Արմենպրես»-ի փոխանցմամբ՝ այս մասին հայտարարել է Իրանի Ազգային անվտանգության բարձրագույն խորհրդի քարտուղար Մոհսեն Ռեզային։
«Ուժասպառ անող պատերազմը ձեռնտու կլինի Իրանին և վնաս կհասցնի Ամերիկային։ Երկարատև պատերազմի պայմաններում առանցքային հարցն այն է, թե արդյոք երկիրը կարող է ապահովել արտադրության, տեղակայման և հակազդման չընդհատվող ցիկլ։ Մենք ցույց ենք տվել, որ կարող ենք վնաս հասցնել հակառակ կողմին», - ասել է նա Drop Site հրատարակությանը տված հարցազրույցում։
Ռեզային հավելել է, որ Հորմուզի նեղուցի շուրջ դիմակայությունը Վաշինգտոնի համար դարձել է ռազմական գործողությունները ձգձգելու նոր պատրվակ, սակայն Թեհրանը մտադիր չէ հրաժարվել ճնշման իր լծակներից, քանի դեռ ամերիկյան կողմը չի կատարել ստանձնած պարտավորությունները։
Բաժանորդագրվեք մեր ալիքին Telegram-ում