1 րոպեի ընթերցում
Հայաստանի ֆուտբոլի ազգային թիմի պաշտպան Նաիր Տիկնիզյանի կարծիքով՝ Հայաստանի հավաքականի համար ընկերական խաղեր չկան, ու թիմը ձգտելու է հաղթանակի Բելառուսի դեմ ընկերական հանդիպմանը:
«Մեզ համար ընկերական խաղեր չկան: Եթե ակումբային ֆուտբոլում ակումբային ընկերական խաղերը կարող են ընկերական լինել, ապա այստեղ, իմ կարծիքով, չկան ընկերական խաղեր: Գալիս ենք հավաքական, որպեսզի հաղթանակ պարգևենք մեր ազգին»,- «Արմենպրես»-ի հաղորդմամբ` լրագրողների հետ նախախաղային մամուլի ասուլիսի ժամանակ ասաց Տիկնիզյանը:
Վերջինիս խոսքով` Հայաստանի հավաքականը այժմ երիտասարդ շատ ֆուտբոլիստներ ունի, ինչը շատ լավ է:
«Հայաստանի հավաքականը երիտասարդների հետ մեծ ներուժ ունի: Ինչ վերաբերում է Բելառուսի հավաքականին, ապա կարող եմ ասել, որ վարկանիշի առումով մենք միմյանց մոտ ենք»,-առանձնացրեց նա:
Հայաստան-Բելառուս ընկերական հանդիպումը կկայանա մարտի 29-ին, Երևանի Հանրապետական մարզադաշտում: Խաղը կմեկնարկի ժամը 18:00-ին: