Թեհրանի նահանգում ամերիկա-իսրայելական հարվածներից շարքից դուրս է եկել շտապօգնության առնվազն 22 կայան
1 րոպեի ընթերցում
Իրանի Թեհրան նահանգում ԱՄՆ-ի և Իսրայելի կողմից իրականացված հարձակումների հետևանքով շարքից դուրս է եկել շտապօգնության առնվազն 22 կայան։ Ինչպես հաղորդում է «Արմենպրես»-ը՝ վկայակոչելով իրանական լրատվամիջոցները, այս մասին հայտնել է Թեհրանի նահանգի շտապօգնության բաժանի ղեկավար Մոհամմադ Էսմայիլ Թավաքոլին։
Ոչնչացվել է շտապօգնության 21 մեքենա։
Թավաքոլին հավելել է, որ Թեհրանի նահանգում ամերիկա-իսրայելական հարվածների հետևանքով զոհվել է շտապօգնության մեկ աշխատակից, 51-ը վիրավորվել են։
Նա տեղեկացրել է նաև, որ պատերազմի սկզբից ի վեր նահանգում զոհվել է 503 մարդ, վիրավորվել՝ շուրջ 5700-ը։