1 րոպեի ընթերցում
Հայաստանի տարածքային կառավարման և ենթակառուցվածքների նախարար Դավիթ Խուդաթյանը նախարարության աշխատակազմին է ներկայացրել նորանշանակ տեղակալ Առնակ Ավետիսյանին։
«Արմենպրես»-ի փոխանցմամբ՝ նախարարությունից հայտնում են, որ Դավիթ Խուդաթյանն ընդգծել է՝ Ավետիսյանը ոլորտին լավ ծանոթ է, աշխատանքային գործունեությունը սկսել է հենց տարածքային կառավարման ոլորտից և միանշանակ հաջողելու է։
Առնակ Ավետիսյանը շնորհակալություն է հայտնել վստահության համար և հավաստիացրել, որ մեծ պատասխանատվությամբ առաջ կտանի ոլորտային խնդիրները։
Այնուհետև, կառույցի գործակարգավարական խորհրդակցության շրջանակում քննարկվել են 2026 թվականի առաջին կիսամյակի առաջնահերթությունները, կատարված և պլանավորված աշխատանքների ընթացքը։