ՀՀ ԲՏԱ փոխնախարարը մասնակցել է Բուլղարիայի Ազգային տոնին նվիրված պաշտոնական ընդունելությանը

3 րոպեի ընթերցում

Հայաստանի Հանրապետության բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը մասնակցել է Բուլղարիայի Ազգային տոնին նվիրված հանդիսավոր ընդունելությանը: Միջոցառման շրջանակներում նախարարի առաջին տեղակալը հանդես է եկել շնորհավորական ուղերձով։

«Արմենպրես»-ի փոխանցմամբ՝ ԲՏԱ նախարարությունից հայտնում են, որ ՀՀ կառավարության անունից նախարարի առաջին տեղակալը շնորհավորել է Բուլղարիային՝ վերահաստատելով պատմականորեն ձևավորված բարեկամության և փոխադարձ հարգանքի վրա հիմնված հարաբերությունների հետևողական զարգացման ու ամրապնդման կարևորությունը։ Գևորգ Մանթաշյանն առանձնահատուկ շեշտադրել է քաղաքական երկխոսության ակտիվացման, բազմոլորտ համագործակցության ընդլայնման և միջմարդկային կապերի խթանման անհրաժեշտությունը։

«Վերջին տարիներին ակտիվացած բարձրաստիճան փոխայցելությունները նոր շունչ են հաղորդել մեր երկխոսությանը։ Նախորդ տարի Երևանում հյուրընկալեցինք Բուլղարիայի փոխվարչապետին և խորհրդարանի փոխնախագահին, իսկ ՀՀ բարձր տեխնոլոգիական արդյունաբերության նախարարի գլխավորած պատվիրակության այցը Բուլղարիա հնարավորություն տվեց՝ որոշակի ընդմիջումից հետո, համատեղ ջանքերով գումարել հայ-բուլղարական առևտրատնտեսական և գիտատեխնիկական համագործակցության միջկառավարական հանձնաժողովի 9-րդ նիստը»,- նշել է Գևորգ Մանթաշյանը։

Այս համատեքստում նախարարի առաջին տեղակալը համոզմունք է հայտնել, որ տեխնոլոգիական նորարարության, հետազոտությունների և մշակումների ոլորտում ստորագրված համագործակցության հուշագիրը նոր որակ ու դինամիկա կհաղորդի երկկողմ փոխգործակցությանը։ Գևորգ Մանթաշյանն ընդգծել է նաև հայ-բուլղարական գործակցության բազմաշերտ բնույթը, որն ընդգրկում է ներդրումների, բարձր և նորարարական տեխնոլոգիաների, զբոսաշրջության, պաշտպանության, էներգետիկայի ու մի շարք այլ ոլորտներ։

Անդրադառնալով առաջիկա նախաձեռնություններին՝ Գևորգ Մանթաշյանը կարևորել է Հայաստանում Եվրոպական քաղաքական համայնքի 8-րդ գագաթնաժողովի և ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովի (COP17) անցկացումը, ինչը լավագույն հնարավորությունն է երկկողմ կապերի ակտիվացման համար։

Ելույթի ավարտին նախարարի առաջին տեղակալը վստահություն է հայտնել, որ համատեղ ջանքերով հնարավոր կլինի նոր մակարդակի բարձրացնել փոխշահավետ համագործակցությունը՝ ի շահ երկու երկրների և ժողովուրդների։

Հայերեն

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը