Կատարը հայտնել է Իրանի կողմից երկրի էներգետիկ օբյեկտներին հարվածելու մասին

Կատարի պաշտպանության նախարարությունը հայտարարել է, որ իրանական երկու հրթիռ հարվածել է երկրի էներգետիկ օբյեկտներին։ Ինչեպս հաղորդում է «Արմենպրես»-ը, այս մասին հայտնում է Al Jazeera-ն։

«Մեկը թիրախավորել է Մեսայիդ էլեկտրակայանին պատկանող ջրամբարը, իսկ մյուսը՝ Ռաս Լաֆանի արդյունաբերական քաղաքի՝ QatarEnergy-ի հետ կապված էներգետիկ օբյեկտներից մեկը», - ասվում է հաղորդագրության մեջ։

Նախարարությունից հայտնել են, որ հարձակման հետևանքով առաջացած բոլոր վնասներն ու կորուստները կգնահատվեն համապատասխան մարմինների կողմից,  պաշտոնական հայտարարությունները կտրամադրվեն ավելի ուշ։