Պետությանը պատճառված վնասից վերականգնվել է 225 միլիոն 416 հազար դրամը. ամփոփվել են Երևանի դատախազության 2025 թվականի աշխատանքները

2 րոպեի ընթերցում

Հայաստանի Հանրապետության գլխավոր դատախազի տեղակալ Լիլիթ Գրիգորյանի գլխավորությամբ 2026 թվականի փետրվարի 24-ին ամփոփվել են Երևան քաղաքի դատախազության 2025 թվականի աշխատանքները:

«Արմենպրես»-ի փոխանցմամբ՝ այս մասին հաղորդագրություն է տարածել ՀՀ դատախազությունը։

Ամփոփմանը մասնակցել են Երևան քաղաքի դատախազ Ռաֆայել Մանուկյանը, Երևան քաղաքի դատախազության, վարչական շրջանների դատախազները, այլք:

Ռաֆայել Մանուկյանը ներկայացրել է Երևան քաղաքի դատախազության 2025 թվականի աշխատանքների մասին զեկուցագիրը՝ ի թիվս այլնի անդրադառնալով նախաձեռնված քրեական վարույթների վիճակագրությանը, դատարան հանձնված քրեական վարույթներին, դատարաններում ավարտված քրեական գործերին, պետությանը պատճառված վնասի վերականգնմանն ու պետական (համայնքային) շահերի պաշտպանության ոլորտում կատարված աշխատանքներին:

Ռաֆայել Մանուկյանի տեղեկացմամբ, 2025 թվականին Երևան քաղաքի դատախազների անմիջական հսկողության ներքո քննվել է 3790 քրեական վարույթ, որից 2238-ը նախաձեռնվել է հաշվետու տարում (2024 թվականին՝ 3546 քրեական վարույթ, որից 2113-ը նախաձեռնվել է 2024 թվականին):

2025 թվականին դատախազների կողմից հաստատված մեղադրական եզրակացությամբ դատարան է հանձնվել 154 քրեական վարույթ՝ 198 անձի վերաբերյալ (2024 թվականին՝ 124 քրեական վարույթ՝ 128 անձի վերաբերյալ):

Դատարաններում ավարտվել է 97 քրեական գործ՝ 101 անձի վերաբերյալ (2024 թվականին՝ 79 քրեական գործ՝ 79 անձի վերաբերյալ):

Երևան քաղաքի դատախազի խոսքով՝ 2025 թվականին պետությանը պատճառված վնասից քրեական վարույթներով վերականգնվել է 225 միլիոն 416 հազար դրամը:

Գլխավոր դատախազի տեղակալ Լիլիթ Գրիգորյանը Երևան քաղաքի դատախազին հանձնարարել է ակտիվացնել պետական (համայնքային) շահերի պաշտպանության ոլորտում աշխատանքները:

Հայերեն

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը