Վիլնյուսը և Կիևը պայմանագիր են ստորագրել Լիտվայում Ուկրաինայի համար սպառազինության արտադրության մասին
1 րոպեի ընթերցում
Վիլնյուսը և Կիևը պայմանագիր են ստորագրել Լիտվայում Ուկրաինայի համար սպառազինության արտադրության վերաբերյալ։ Համաձայնությունը ստորագրություններով ամրագրել են Լիտվայի նախագահ Գիտանաս Նաուսեդան և Ուկրաինայի նախագահ Վոլոդիմիր Զելենսկին։ «Արմենպրես»-ի փոխանցմամբ՝ այս մասին հաղորդել է Լիտվայի ղեկավարի մամուլի ծառայությունը։
«Այս պայմանագիրը ոչ միայն արդյունաբերական կամ տեխնոլոգիական նախագիծ է, այլև մեր քաղաքական կամքի և ռազմավարական գործընկերության վկայությունն է», - մեջբերված է հաղորդագրության մեջ Նաուսեդայի խոսքը։
Ինչպես նշված է համաձայնագրում, Լիտվայում արտադրվող պաշտպանական համակարգերի մեծ մասն ամենից առաջ կհասցեագրվի Ուկրաինային։ Վիլնյուսը նաև մտադիր է ուկրաինական պաշտպանական ձեռնարկությունների համար ստեղծել Լիտվա տեղափոխվելու համար պայմաններ, համատեղ արտադրությունների հիմնարկություններ՝ ազգային միջոցների և SAFE-ի (զենքի արտադրության ԵՄ ֆինանսական ծրագիր) միջոցների օգտագործմամբ: