1 րոպեի ընթերցում
Միացյալ Նահանգների և Հունգարիայի հարաբերություններում սկսվել է «ոսկե դարաշրջան»: «Արմենպրես»-ի փոխանցմամբ՝ այս մասին հայտարարել է ԱՄՆ պետքարտուղար Մարկո Ռուբիոն երկու երկրների միջև քաղաքացիական միջուկային էներգիայի ոլորտում համագործակցության շուրջ համաձայնագրի ստորագրումից հետո։
«Ոսկե դարը չափազանցություն չէ։ Միացյալ Նահանգների և Հունգարիայի միջև հարաբերություններն այսօր այնքան սերտ են, որքան ես կարող եմ պատկերացնել…. Կարծում եմ՝ այսօր ստորագրված համաձայնագիրը դրա ապացույցն է», - ասել է Ռուբիոն Հունգարիայի վարչապետ Վիկտոր Օրբանի հետ անցկացված համատեղ մամուլի ասուլիսում, որը հեռարձակել է Sky News-ը։
Միջկառավարական համաձայնագիրը նախատեսված է Հունգարիայի և ԱՄՆ-ի միջև միջուկային էներգիայի ոլորտում համագործակցությունը բարձրացնելու և դրա համար քաղաքական հիմք ստեղծելու համար: