1 րոպեի ընթերցում
Արդարադատության նախարար Սրբուհի Գալյանի գլխավորությամբ տեղի է ունեցել Սահմանադրական բարեփոխումների խորհրդի հերթական նիստը։ «Արմենպրես»-ի փոխանցմամբ՝ այս մասին Գալյանը տեսանյութ է հրապարակել «Ֆեյսբուք»-ի իր էջում։
Նիստի ընթացքում քննարկվել են Ազգային ժողովի քննիչ հանձնաժողովներին վերաբերող մի շարք հարցեր։
«Հաշվի առնելով գործնականում առաջացող որոշ խնդիրներ՝ կապված այն հանգամանքի հետ, որ Քննիչ հանձնաժողովի անդամների թիվը հաստատվում է Ազգային ժողովի կողմից, այսինքն՝ որոշիչ դերակատարում այս դեպքում ունենում է իշխող խմբակցությունը, մենք առաջարկում ենք, որպեսզի Քննիչ հանձնաժողովի անդամների մինիմալ թվաքանակը ֆիքսվի Սահմանադրությամբ, որպեսզի ընդդիմադիր ուժերը դրանով պաշտպանված լինեն այն հնարավոր իրավիճակներից, երբ, գուցե, իշխող խմբակցության կողմից սաբոտաժի երևույթ տեղի ունենա»,-նշել է Գալյանը։
Արդարադատության նախարարը գրառմամբ հավելել է, որ առաջիկայում կշարունակվեն քննարկումները նշված թեմաների շուրջ արդյունավետ և հավասարակշռված լուծումներ ձևավորելու համար: