«Սուրբ Աստվածամայր» բժշկական կենտրոնը համալրվում է նոր ու ժամանակակից բժշկական սարքավորումներով. Ավինյան
1 րոպեի ընթերցում
Վերանորոգման և բարեկարգման աշխատանքներին զուգահեռ «Սուրբ Աստվածամայր» բժշկական կենտրոնը համալրվում է նոր ու ժամանակակից բժշկական սարքավորումներով:
«Արմենպրես»-ի հաղորդմամբ՝ այս մասին ֆեյսբուքյան իր էջում գրել է Երևանի քաղաքապետ Տիգրան Ավինյանը՝ նշելով, որ որակյալ բժշկական օգնությունը սկսվում է վստահելի պայմաններից և ժամանակակից հնարավորություններից։
«Վերանորոգման և բարեկարգման աշխատանքներին զուգահեռ «Սուրբ Աստվածամայր» բժշկական կենտրոնը համալրվում է նոր, ժամանակակից բժշկական սարքավորումներով, որոնք նպաստում են ավելի արագ և ճշգրիտ ախտորոշմանը, արդյունավետ բուժմանը և երևանցիների անվտանգ սպասարկմանը։
Երևանի քաղաքապետարանը հետևողականորեն ներդրումներ է կատարում բուժհաստատությունների զարգացման մեջ, որպեսզի յուրաքանչյուր երևանցի ստանա ժամանակակից և որակյալ բժշկական սպասարկում»,- գրել է Երևանի քաղաքապետը: