1 րոպեի ընթերցում
Ռազմավիրական ճանապարհին ավելի քան 1600 մեծ բեռնատար է սպասում Ռուսաստանից դեպի Վրաստան մեկնելուն։ «Արմենպրես»-ի փոխանցմամբ՝ այդ մասին ՏԱՍՍ-ին հայտնել են Հյուսիսային Օսիայի Ճանապարհային երթևեկության կազմակերպման կենտրոնում։
«Էլեկտրոնային հերթում գրանցված է ավելի քան 1600 մեծ բեռնատար», - ասվում է հաղորդագրության մեջ։ Ավելի վաղ հաղորդվել էր, որ հերթում Ռուսաստանից մեկնելու է սպասում ավելի քան 1400 մեծ բեռնատար։
Ռազմավիրական ճանապարհով երթևեկությունը մեծ բեռնատարների համար արգելված է փետրվարի 2-ից՝ վատ եղանակի պատճառով։
Ռազմավիրական ճանապարհը տանում է Վլադիկավկազից Թբիլիսի՝ Գլխավոր Կովկասյան լեռնաշղթայով՝ կապելով Ռուսաստանն Անդրկովկասի հետ։ «Կազբեգ-Վերին Լարս» գործող անցակետը միակն է վրաց-ռուսական սահմանին։ Ռուսական կողմում մայրուղին անցնում է Հյուսիսային Օսիայով։ Ձմռանը ճանապարհը հաճախ փակում են անբարենպաստ եղանակի պատճառով