1 րոպեի ընթերցում
Ռուսաստանի պատվիրակությունը՝ պաշտպանության փոխնախարար, բանակի գեներալ Յունուս-Բեկ Եվկուրովի գլխավորությամբ, ժամանել է Դամասկոս: «Արմենպրես»-ի փոխանցմամբ՝ այս մասին հաղորդում է սիրիական SANA գործակալությունը։
Պատվիրակությանն ընդունել է Սիրիայի բանակի գլխավոր շտաբի պետ Ալի ան-Նաասանը:
Սիրիայի պաշտպանության նախարարությունն իր Telegram ալիքում հայտնել է, որ ռուսական պատվիրակության այցը կտևի մի քանի օր և նպատակ ունի զարգացնելու և ամրապնդելու ռազմական համագործակցությունն՝ ի բարօրություն երկու երկրների ընդհանուր շահերի։
Հունվարի 28-ին ՌԴ նախագահ Վլադիմիր Պուտինը Կրեմլում ընդունել էր Սիրիայի անցումային շրջանի նախագահ Ահմեդ աշ-Շարաային։ Կողմերը քննարկել էին երկկողմ համագործակցությունը, տնտեսությունը և Մերձավոր Արևելքում տիրող իրավիճակը։