Միասնական սոցիալական ծառայությունն աջակցություն է տրամադրում աշխատանքի և զբաղվածության ոլորտում

Հայաստանի աշխատանքի և սոցիալական հարցերի նախարարության Միասնական սոցիալական ծառայությունն աջակցություն է տրամադրում աշխատանքի և զբաղվածության ոլորտում։

«Արմենպրես»-ի փոխանցմամբ՝ ԱՍՀ նախարարությունից հայտնում են, որ աջակցությունը տրամադրվում է գործատուների մոտ աշխատուժի պահանջարկը լրացնելու նպատակով։ Իրականացվում են հետևյալ գործառույթները․ 

• Տրամադրում է աջակցություն՝ աշխատուժի պահանջարկի լրացման համար
• Տրամադրում է տեղեկատվություն՝ զբաղվածությանն ուղղված ծրագրերի և միջոցառումների մասին
• Ստանում և տարածում է թափուր աշխատատեղերի մասին տեղեկատվություն
• Կազմակերպում է թափուր աշխատատեղերի տոնավաճառներ
• Ընտրում է գործատուի ներկայացրած չափորոշիչներին համապատասխան թեկնածուներ
• Համապատասխան աշխատատեղը ներկայացնում է ընտրված թեկնածուներին։

Այն գործատուները, որոնք աշխատակիցների կարիք ունեն, կարող են գրանցել իրենց թափուր աշխատատեղերը www.e-work.am հարթակում կամ կապ հաստատել ՄՍԾ մոտակա տարածքային կենտրոնի կամ ՄՍԾ Զբաղվածության ապահովման և աշխատանքային ներուժի զարգացման վարչության հետ՝ 060 65 27 17, 060 65 27 01 հեռախոսահամարներով։

Միասնական սոցիալական ծառայության կողմից գործատուներին մատուցվող բոլոր ծառայություններն անվճար են։