1 րոպեի ընթերցում
WhatsApp-ում բացվել է կեղծ օգտահաշիվ Հայաստանի շրջակա միջավայրի նախարար Համբարձում Մաթևոսյանի անուն-ազգանունով։ «Արմենպրես»-ի փոխանցմամբ՝ այս մասին ահազանգում են ՇՄ նախարարությունից՝ զգուշացնելով, որ տվյալ օգտահաշվից հնարավոր է ուղարկվեն հաղորդագրություններ՝ տարբեր տեղեկություններ կամ գործողություններ պահանջելու նպատակով։
«Խնդրում ենք լինել առավել զգոն, չպատասխանել նման հաղորդագրություններին, չտրամադրել անձնական կամ ծառայողական որևէ տեղեկություն (գաղտնաբառեր, կոդեր, բանկային տվյալներ և այլն), չկատարել փոխանցումներ կամ այլ գործողություններ՝ նման պահանջներով, անհրաժեշտության դեպքում արգելափակել (Block) և նշել որպես խարդախություն/Spam (Report)»,– ասված է նախարարության տարածած հաղորդագրության մեջ։
Կից լուսանկարով ներկայացվում է նախարարի անունով բացված կեղծ օգտահաշիվը: